Mag-utod dakup sa drug buy bust sa Jaro

ILOILO CITY — Ginabanta P700,000 nga balor sang suspected shabu ang na-recover sa drug buy bust operation sa Barangay Tacas, Jaro pasado kagab-i, Pebrero 3.

Dakup ang mag-utod nga kanday alyas Atong kag alyas Imong lakip na ang ila tiya nga si Alyas Kisa samtang nakapalagyo naman ang iya live in partner nga si alyas Bati.

Suno kay Police Major Eduardo Siacon Jr., hepe sang Jaro Police Station, sa City Proper nagakuha sang supply sang ilegal nga droga ang subject nga si alyas Bati kag sa Jaro area nila ginabaligya.

Walo ka sachets sang suspected shabu nga ginabanta nagabug-at sang 100 grams ang na-recover sa mga nadakpan.

Ginkumpirmar ni Tacas Punong Barangay Joseph Poral nga residente sang barangay ang mga arestado.