Security plan sang ICPO para sa 51st Iloilo-Guimaras Paraw Regatta Festival preparado na
ILOILO CITY — Preparado na ang security plan sang Iloilo City Police Office para sa highlights sang 51st Iloilo-Guimaras Paraw Regatta Festival sa Marso 1 tubtob 3.
Suno kay ICPO spokesperson Police Major Shella Mae Sangrines, may 40 ka mga personnel nga maga-augment sa Arevalo kag mabulig man ang iban pa nga personnel halin sa mga police stations sa siyudad.
Ginalauman naman sang ICPO nga wala sang may magluntad nga dalagku nga insidente sa tiun sang kahiwatan.
Una na ginpahayag ni Dr. Roberto Somosa, chairman of the Paraw Sailing Event nga magabukas ang Paraw Regatta Festival sa Pebrero 25 sa Tatoy’s Poolside Resort pagkatapos sang misa sa simbahan sa Arevalo.
Magluwas sa main sailing event, balantayan man ang iban pa nga aktibidad pareho sang Pinta Layag, Pinta Tawo, Paraw Regatta Job Fair, Sinamba sa Regatta, Beach Sports, Paraw Beach Bodies, Paraw Lechon Contest, kag Paraw Food Fest.
