P340K nga balor sang suspected shabu na-recover sa HVI sa Jaro

ILOILO CITY — Nakuhaan sang P340,000 nga balor sang suspected shabu ang 31-anyos nga lalaki sa drug buy bust operation sa Brgy. Benedicto, Jaro la-1:20 kahapon sang kaagahon, Pebrero 15.

Sa report sang Jaro Police, ginkilala ang subject sang operasyon kay Marlon Edemburgo Jr. nga ginakabig sang police nga High Value Individual (HVI).

Nabaklan si Edemburgo sang isa ka sachet sang suspected shabu sa balor nga P1, 500 kag nakuhaan pa gid sang dugang nga siyam ka sachets sang illegal drugs. Ginabanta nagabug-at sang 50 grams ang mga na-recover nga druga.

Magluwas diri, na-recover man ang nagkalain-lain nga non-drug items sa subject.