16-anyos nga dalagita gingapos ang iya mga kamot kag tiil kag naglumpat sa Iloilo River
ILOILO CITY — Nakagapos ang mga kamot kag tiil sang 16-anyos nga dalagita nga na-rescue sang naglumpat sa Cesar Drilon Bridge sa La Paz, mga las-2 sang hapon sang Pebrero 15.
Suno kay Police Captain Marlon Perez, officer-in-charge sang La Paz Police Station, natabuan nga may boat captain nga nagakay-o sang iya sakayan malapit sa ginlumpatan sang dalagita. Sang nabatian sang boat captain nga may nagtamsak sa tubig, nabalikdan niya nga nagasarurot na sa dalagita.
Gilayon siya nga nagkuha sang life jacket kag gin-rescue ang menor-de-edad.
Ginpahayag sang police nga ang dalagita man ang naggapos sa iya mga kamot kag tiil antes siya naglumpat. Sa pagpangusisa sang police, nagasuprer sang postpartum depression ang dalagita tungod bag-o lang siya nagbun-ag.
Gindul-ong sang police sa ila balay sa Veterans Village ang dalagita.
