Ginpatindog nga pader sa right of way sang pila ka residente sa Zone 2 Divinagracia, La Paz ginbakbak sang Iloilo City Gov’t

ILOILO– Ginpabakbak sang taga-Office of the Building Official ang pader nga ginbutang sang naga-claim tag-iya sang duta sa alagyan sang mga residente sa Zone 2, Divinagracia, La Paz kahapon, Pebrero 18.

Suno kay Punong Barangay Maribeth Teves, natukiban sa ginhimo nga pagpangusisa sang taga-Office of the Building Official nga wala sang na-secure nga fencing permit ang naga-claim nga tag-iya sang duta antes ang pagbutang sang amo nga pader.

Nagpadulong si Engr. Mavin Gustilo upod si Iloilo City Councilor Sedfrey Cabaluna sa lugar kag gin-settle ang pagbakbak sang pader samtang wala pa sang court order kun sin-o ang lehitimo nga landowner.

Masobra 25 ka pamilya ukon ginabanta 200 ka indibidwal ang wala nakaguwa sa Zone 2 sang ginpaderan ang ila alagyan.