Iloilo Gov. Arthur Defensor, Jr. liwat nga magapapili sa pagka-gobernador sa 2025 Midterm elections

ILOILO — Liwat nga magapapili si Iloilo Governor Arthur Defensor, Jr. sa palaabuton nga 2025 local kag national elections.

Suno kay Defensor, may mga nagpasalig na nga mga alkalde halin sa 3rd district nga handa magbulig sa iya sa masunod nga election.

Ginbuyagyag man sang gobernador nga madamo nga mga alkalde ang nagapabutyag sa iya nga maupod sa partido federal ng Pilipinas nga amo ang partido ni President Ferdinand Marcos, Jr.

Gin-ako naman ni Defensor nga bentaha nga yara siya sa partido sang administrasyon ilabe na gid nga ma-angut niya ang iya mga programa sa probinsiya sa mga ginaplano ni President Marcos, Jr.

Bukas naman ang gobernador sa mga luyag mangin posible running mate niya sa palaabuton nga eleksyon.

Sa karon wala pa ginapanumdom ni Defensor ang pulitika tungod madamo pa siya sang may ginapanumdom nga problema sa mga kabanwahanan nga mas nagakinahanglan hatagan sang atensyon.