Grassfire nagluntad sa bakante nga lote sa Guimbal

ILOILO — Nasunog ang bakante nga lote sa Brgy. Particion, Guimbal pasado las-2 kahapon sang hapon, Pebrero 24.

Suno kay Irene Llanes Garvilles, residente sang barangay, may nagsinggitan nga mga tupad-balay amo nga gilayon sila nagguwa kag nakita nga nagakasunog na ang bakante nga lote sa likod sang ila balay.

Ginpahayag ni Irene nga may nagdabok malapit sa area nga posible ginhalinan sang kalayo.

Wala sang may napilasan sa nagluntad nga grassfire.

Nag-responde sa fire scene ang BFP Guimbal agud mapalong ang kalayo.