P408,000 nga balor sang illegal drugs na-recover sa drug buy bust operation sa Jaro

ILOILO CITY —Na-recover ang P408,000 nga balor sang ilegal nga druga sa drug buy bust operation sa Barangay Fatima, Jaro subong nga gab-i.

Suno kay Police Lieutenant Colonel Antonio Benitez Jr., head sang City Drug Enforcement Unit, posible nga bag-o lang nakakuha sang supply sang ilegal nga druga ang subject nga ginkilala kay Mark John Alegre, residente sang amo nga barangay, rason nga daku ang na-recover sa iya.

Sa duha ka semana nga monitoring sang police, nahibaluan nga ginagamit sang subject ang iya motor agud mag-deliver kag may yara man sang nagakadto sa iya balay agud magbakal sang ilegal mga druga.

Nakuha sa subject ang 16 ka sachets sang suspected shabu nga ginabanta nagabug-at sang 60 grams. —via Maria Kayla Tingzon