ILOILO— Nakuhaan sang 14 ka sachets sang suspected shabu, homemade pistol kag iban pa ka non-drug items ang 47-anyos nga drug surrender sa buy bust sa Brgy. Tanza Esperanza, City Proper kagab-i, Marso 11.
Ginkilala ang subject kay Ricardo Rabusa alyas Rex sang amo man nga barangay.
Suno kay Police Captain Roque Gemino III sang City Proper Police Station, si Rabusa ang ginakuhaan sang illegal drugs sang drug personality nga nadakpan man sang nagligad.
Lakip man si Rabusa sa mga naga-distribute sang illegal drugs sa City Proper, suno sa police.
Nagabug-at sang 67 grams kag may Standard Drug Price nga P455,600 ang suspected illegal nga druga nga na-recover.
Ginpanginwala sang subject nga iya ang suspected shabu nga na-recover. — via Aksyon Farrah Mae Morano
