ILOILO CITY — Nagpanawagan si former Iloilo City Councilor Plaridel Nava sa iya mga local kag dedicated barangay leaders kag supporters nga lubos nga suportahan sanday Iloilo City Mayor Jerry Treñas kag bata sang alkalde nga si Raisa Treñas sa masunod nga eleksyon.
Sa iya Facebook post, ginpangabay sang anay konsehal nga kun ginapalangga kag ginarespeto pa siya sang iya mga loyal barangay leaders kag supporters, sundon nila ang iya desisyon.
Nag-issue sang pahayag si Nava sa social media makaligad nagtuhaw ang reports nga mapadalagan sa pagka-kongresista si Raisa Treñas sa 2025 midterm elections.
Sang damlag lang, gin-anunsyar ni Mayor Treñas nga mapadalagan siya sa masunod nga eleksyon.
Ginplastar man sang anay konsehal ang mga rason kun ngaa indi dapat pagsuportahan si incumbent Iloilo City Lone District of Representative Julienne “Jamjam” Baronda.
Nagapati sa Nava nga wala na-perform ni baronda ang iya responsibilidad bilang representante sang Kongreso paagi sa pag-file sang hagna nga makabenipisyo sa mga Ilonggos. — via Plaridel C. Nava II/Facebook
