Masobra P7.1 million nga balor sang illegal drugs na-recover sa drug bust operation sa City Proper
ILOILO— Masobra P7.1 million nga balor sang suspected shabu ang na-recover sa drug buy bust operation sa Tanza Baybay, City Proper kahapon sang kaagahon, Marso 18.
Suno kay Police Captain Glenn Soliman, Officer-In-Charge sang Regional Police Drug Enforcement Unit 6, target sang operasyon si alyas Otay sang Tanza Bonifacio; alyas Kurt sang Rizal Estanzuela, alyas Amay nga tag-iya sang balay sa diin ginhimo ang operasyon, kag alyas Boboy nga nakapalagyo.
Nadakpan man kanday Jojo kag Tayson sang San Isidro, Jaro nga customer nila.
Ginpahayag ni Soliman nga sa balay mismo naga-repack, pot session kag nagakatabo ang transaksyon sang illegal nga druga.
Na-recover ang 1 kilo & 55 grams sang suspected shabu, suno kay Soliman.
Indi pa mabuyagyag sang police ang ginakuhaan sang drug supply sang mga nadakpan, pero base sa impormasyon, duha ka beses naga-abot ang stocks sa lugar.
