ILOILO CITY – Nagtupa sa ika-apat nga puwesto ang Iloilo City sa pinakamanggaranon nga siyudad sa guwa sang Metro Manila sang 2022, base sa data nga ginpaguwa sang Philippine Statistics Authority (PSA).
Santu sa Provincial Product Accounts sang PSA, nagapakita nga ang siyudad nagapang-apat sa may highest per capita gross domestic product sa mga probinsiya kag highly urbanized cities sa Pilipinas sa amo nga tuig.
Nagpanguna ang Baguio City nga may P420,016 nga per capita GDP. Ginasundan sang Cagayan de Oro City nga may per capita GDP nga P343,936, Lapu-Lapu City (P313,039), Iloilo City (P306,444), probinsiya sang Bataan (P297,930).
Sulod man sa Top 10 nga richest areas sa guwa sang Metro Manila ang Cebu City, probinsiya sang Laguna, Mandaue City, Davao City, kag probinsiya sang Batanes.
Ang latest findings sang PSA, nagasakop sa 82 ka mga probinsiya kag 17 ka mga highly urbanized cities sa 16 ka mga pilot regions sa bug-os nga pungsod.
