Pagkakas sa committee chairmanship ni Iloilo City Councilor Urminico Baronda wala sang kahilabtanan sa “break-up” nanday Mayor Jerry Treñas kag Congw. Baronda — VM Jeffrey Ganzon

Wala natalakay sa regular session sang Iloilo City Council ang re-assignment sang committee chairmanships kahapon, Marso 20.  

Ginkakibot naman ni Vice Mayor Jeffrey Ganzon ang natabo tungod nadiskusyunan na nila ini sang mga konsehal. 

Apang ginkumpirmar sang bise alkalde nga may reassignment gid man apang wala ini sang kahilabtanan sa nangin announcement ni Iloilo City Mayor Jerry Treñas sang damlag lang nga mapadalagan sa pagka-kongresista ang iya bata nga si Raisa Treñas-Chu kag ang ginpahayag pagpa-iway ni Congresswoman Julienne Baronda para sa 2025 midterm elections.  

Ginpaathag ni Ganzon nga kuhaon kay Councilor Urminico Baronda Jr., ang duha sa tatlo niya ka komitiba tungod may “term-sharing” agreement siya upod kanday Councilor Rudolph Ganzon kag Councilor Alan Zaldivar.        

Sang Disyembre 2023 pa kuntani nagtakop ang “term-sharing” agreement suno kay Ganzon.  

Ang duha ka mga komitiba nga may term-sharing agreement amo ang Committee on Education kag Committee on Health. — via Aksyon Justice Savannah Pamplona