ILOILO— Naglab-ut sa isa ka oras ang firefight sang mga bombero tubtob gindeklarar nga fire out ang grassfire nga nagluntad sa Brgy. Balabag, Dumangas kahapon, Abril 2.
Suno kay Fire Officer 1 Nicky Bessa sang Dumangas Fire Station, la-1:30 ang firecall sa tabok sang DPWH office sa diin nalikopan sang aso ang karsada.
Tungod sang hangin, naglaton ang kalayo sa kilid sang DPWH office pero nahingagaw palong sang mga bombero.
2 hectares sang bakante nga lote ang nasunog kag wala sang pamalay kag istraktura sa palibut, suno kay Bessa.
Indi pa matumod ang ginhalinan sang sunog.
Gindeklarar nga fire out las-2:30 sa hapon. — via Aksyon Farrah Mae Morano
