Lalaki nasapwan patay sa Ungka 1, Pavia

ILOILO — Nasapwan nga nagakulob ang 57-anyos nga lalaki sa kasagingan sa Brgy. Ungka I, Pavia pasado las-7 kaina sang aga.

Ginkilala ang biktima kay Fortunato Jagonase Jr., residente sang Brgy. Ungka II, Pavia.

Sa pagpangusisa sang Aksyon Radyo Iloilo, nag-inum inom kagab-i ang biktima upod ang iya duha ka abyan malapit sa natabuan sang krimen.

Suno kay alyas July, isa sa mga upod sang biktima nga nag-inum pasado las-7 kagab-i sang nag-inom sila kag las-9 sang gab-i nag-amat amat pauli.

Sa interview sa hinablos sang biktima, wala sang gamo ang iya tiyo kag kada aga, nagakadto sa payag niya agud magpamubod sa mga manok.

Sa inisyal nga imbestigasyon, may pilas sang pagkabuno sa likod, dughan kag tiyan ang biktima nga posible gintambangan samtang nagapauli.

Ipa-autopsy sang pamilya ang bangkay agud matul-id ang rason sang iya kamatayon. — via Aksyon Paula Elambayo