ILOILO CITY — Duha ka kwarto sa ikaduha nga panalgan sang balay ang nasunog sa Sinikway, Lapuz pasado las-11 kaina sang aga nga ginapanag-iyahan sang pamilya Cagalitan.
Ginbuyagyag ni Aileen, isa sa naga-estar sa balay, nga nadakpan niya nga nagahampang sang kalayo ang iya 6-anyos nga bata.
Posible nagtupa ang kalayo sa foam sa kuwarto nga amo ang ginhalinan sang sunog kag naglaton sa iban pa nga kagamitan, suno kay Aileen.
Nasunog man ang division nga plywood sang duha ka kuwarto kag natupok man ang mga gamit sa sulod sang ikaduha nga kuwarto.
Una nga nagbululigay ang mga residente sa lugar, kag nakaresponder man ang taga-Bureau of Fire Protection sa pagpalong sang kalayo.
Nakaguwa sa balay ang mga naga-estar lakip ang PWD nga tigulang. — via Aksyon Marvin Malificiar
