Fetus nga nasulod sa plastic ginbilin sa kasagingan sa Cabatuan

ILOILO— Wala pa gihapon makilal-an ang nagbilin sang lapsag nga nasulod sa plastic kag nasapwan na lang sa kasagingan sa Brgy. Tuy-an, Cabatuan sang Domingo, Mayo 5.

Suno kay Police Captain Dionisio Estacio, hepe sang Cabatuan Municipal Police Station, gin-check na nila sa palibot kag sa kaiping nga mga lugar kun may nagbata pero wala sila sang may nakita.

Las-11 sang Dominggo sang aga sang ginkadtuan sang barangay tanod ang iya ginlawig nga baka sang nakita ang plastic nga may sulod nga lapsag nga babaye gani gin-report sa police.

Ginpabutyag sang tanod suno sa police nga antes nakit-an ang lapsag, wala sila sang may nakita nga makaduluda nga tawo nga nagkadto sa lugar. 20 metros ang kalayuon sang mga pamalay sa lugar kag hulungdon ang kasagingan.

Natalana nga ipa-autopsy ang lapsag nga ginabanta 7-8 months na, suno sa police. — via Aksyon Farrah Mae Morano