Sinako sang trigo naula sa karsada sang naghilay ang truck sa Pavia

ILOILO — Naglapta sa karsada ang trigo nga karga sang truck sang naghilay sa Mali-ao, Pavia kahapon, Mayo 13.

Suno kay Police Master Sergeant Ronnie Labiaga Jr., traffic investigator sang Pavia Municipal Police Station, nagapasulod na ang truck sa ila bodega sang naghilay.

Posible nagsaylo sa wala nga porsyon sang truck ang mga sako nga may sulod nga trigo kag tungod sang kabug-at nagpisik ang lock sang truck.

Ginbuligan na lang sang mga tinawo sang kompaniya nga masilhig kag masaylo ang trigo sa magagmay nga sako para mahawanan ang karsada.

May karga nga 36 ka sako sang trigo ang truck.

Naagyan lang ang karsada sang ginhawanan las-6 na sa gab-i. — via Aksyon Farrah Mae Morano