ILOILO CITY — Ginabanta sa P1.4 million pesos nga balor sang suspected shabu ang na-recover sa lalaki nga nadakpan sa drug buy bust operation sa Brgy. Sto. Niño Norte, Arevalo kagab-i, Mayo 14.
Suno kay Police Captain Ryan Christ Inot, team leader sang Regional Police Drug Enforcement Unit (RPDEU) 6 nga nag-conduct sang anti-drug operation, may nag-report sa ila sa illegal activities sang subject gani gin-operate.
Ginkilala ang subject kay Michael Gullo, 50-anyos sang Bonifacio, Arevalo nga ginakabig sang police nga high value individual drug personality.
13 ka sachets sang suspected shabu nga nagabug-at sang 220 grams, aluminum foil strip, rolled aluminum foil kag mga gamit sang subject ang na-recover.
Sa pagpangusisa sang police, ginagamit sang subject ang ila van sa pagdul-ong sang illegal drugs sa iya mga contact nga manugbakal sa Arevalo kag Molo.
Ginahibalo pa sang police ang ginakuhaan sang subject sang supply sang illegal drugs. — via Aksyon Farrah Mae Morano
