Mga kanding patay sang gintiro sang airgun sang retired seaman sa Jaro

ILOILO CITY — Apat sa lima ka kanding ang patay sang ginpangtiro sang retired seaman sang airgun sa Brgy. Balantang, Jaro sang Sabado, Mayo 17.

Ginkilala ni Balantang, Jaro Punong Barangay

Allan Jastia ang suspek kay Johnny Saldo, 65-anyos kag isa ka retired seaman.

Suno kay Jastia, makapila na ka beses ginhambalan ni Saldo ang caretaker sang mga kanding nga butangan sang higot ang mga sapat agud indi makapangharab sang utanon nga tanom nila sa ugsaran.

Posible nga nakalusot sa likod nga gate sang balay ni Saldo ang mga kanding nga wala sang higot suno pa kay Jastia.

Ginpahayag ni Police Captain Melchor Tolentino, OIC sang Jaro Police Station, nga base sa ila imbestigasyon nagsulod sa property ni Saldo ang mga kanding kag gintiro niya gamit ang airgun.

Posible naakig kag nadala sa emosyon ang suspek rason nga gintiro niya ang mga kanding.

Natalana mag-atubangay sa barangay ang tag-iya sang mga kanding kag si Saldo agud istoryahan ang natabo. — via Aksyon Paula Elambayo