2 ka poste sang streetlights nabungguan sang water tanker truck sa Diversion Road

ILOILO CITY — Nagkalatumba ang duha ka mga poste sang streetlights sang nabungguan sang water tanker truck sa atubang sang SM City sa Diversion Road, Mandurriao pasado las-3 kaina sang kaagahon.

Suno kay Patrolman Rolly Lapido sang Mandurriao Police Station, halin sa Ungka kag pakadto sa SM City ang water tanker tungod ma-deliver sang tubig.

Sa pagpangusisa sang police, napiyungan ang driver sang water tanker rason nga nakabunggo sa poste sang streetlight.

Wala sang may napilasan sa insidente. — via Aksyon Paula Elambayo