Tokhang surrenderer dakop sa drug buy bust operation sa City Proper

ILOILO CITY — Arestado ang tokhang surrenderer sa drug buy bust operation sa Brgy. Rizal Pala-pala 2, City Proper las-2:45 subong nga hapon.

Suno kay Police Captain Roque Gimeno III, hepe sang Police Station 1, nadakpan si alyas Nonoy, 28-anyos nga ginakabig sang police nga high value individual drug personality.

Isa ka bulan nga gin-monitor sang police ang illegal nga aktibidad ni Nonoy nga amo ang nagbulos sa mga durugista nga nadakpan na sadto sa drug buy bust operations, suno kay Captain Gimeno.

Kaina, na-recover sa subject ang 15 ka sachets sang suspected shabu nga ginabanta may standard drug price nga P400,000.

Sa pagpangusisa sang police, kay alyas Laway nga taga-City Proper man nagakuha sang supply sang illegal drugs si Nonoy. May yara man sang nagabagsak sang supply sa Brgy. Rizal Pala Pala II, suno sa police. — via Aksyon Farrah Mae Morano