State of calamity gindeklarar sa Canlaon City, Negros Occidental tungod sa paglupok sang Bulkan Kanlaon

Ginkumpirmar ni Canlaon City Councilor Angel Amador-Soliva nga gin-aprubahan nila ang rekomendasyon nga ipaidalom ang siyudad sa state of calamity tungod sa epekto sang paglupok sang Bulkan Kanlaon kagab-i.

Sa iya Facebook post, ginkumpirmar ni Soliva nga naghiwat sila sang special session sa City Council subong nga hapon kag gin-aprubahan ang “Resolution for the Declaration of the State of Calamity Due to Volcanic Eruption.”

Base sa data sang LGU, nagalab-ut sa 23,622 ang mga pumuluyo nga apektado halin sa Barangay Masulog, Pula, Linuthangan, Malaiba, kag Lumapao tungod sa pagbuga sang abo sang bulkan.