Truck driver nga nagsumbag sa traffic enforcer sa Lapuz ginpasakaan na sang kaso; 4 ka harassment vs traffic aide na-record sang TTMO
ILOILO CITY – Ginpasakaan na sang kaso sang Traffic and Transportation Management Office (TTMO) ang truck driver nga nagsumbag sa traffic enforcer sa Brgy. Loboc, Lapuz sang Hulyo 5.
Suno kay TTMO Head, Retired Colonel Uldarico Garbanzos, gin-apprehend ang truck driver nga nag-on road parking sa lugar. Indi suno sa iya, magpa-ticket ang driver rason nga may pagsabtanay nga natabo.
Nagresponde ang isa pa ka traffic enforcer kag katapo sang Highway Patrol Group sang Philippine National Police agud istoryahon ang truck driver pero nagpakatig-a siya nga magpadakop gani may natabo nga komosyon kag paglagsanay.
Samtang nagatalikod ang traffic enforcer, ginpahayag ni Garbanzos nga hinali lang nga ginsumbag sang driver kag gilayon nga nagpalagyo padulong sa bodega nga malapit sa lugar.
Gin-negosyar siya sang police nga magsungka pero nadakpan ang driver kag ginpreso sa Iloilo City Police Station 8 sa amo nga adlaw.
Base sa record sang TTMO, apat na ka mga kaso sang harassment batuk sa traffic enforcer ang natabo sa siyudad. Sa amo nga numero, duha ang natapungolan kag ginyaguta naman ang duha ka iban pa.
Lunsay ginpasakaan sang kaso sang TTMO ang mga driver nga involved sa nasambit nga insidente. — via Firingline
