Ilonggo film “Tumandok” nagdaug nga Best Film sa Cinemalaya 2024; kadalag-an ginahalad sa Ati community sa Barotac Viejo, Iloilo
METRO MANILA — Nagdaug nga Best Film sa Cinemalaya 2024 ang Ilonggo film nga “Tumandok.”
Istorya ini sang Ati community nga mga tumandok nga nagapangabudlay agud mapabilin sa ila ang ancestral land tungod sa pamahog nga bawion sa ila.
Subject sang pelikula ang Ati community sa Sitio Kabarangkalan sa Barotac Viejo, Iloilo.
Magluwas sa Best Film, nagdaug man ang “Tumandok” sang Network for the Promotion of Asian Cinema (NETPAC) award, Best Original Score, Best Screenplay, kag Best Supporting Actor para kay Felipe Ganancial.
Si Ganancial kag iban nga miyembro sang Ati community, wala sang professional background sa acting gani ginahalad sa ila sang mga filmmakers ang kadalag-an sang pelikula.
Ang Ati community sa Sitio Kabarangkalan sa Barotac Viejo, Iloilo | via Southern Lantern Studios
Directors sa pelikula kanday Arlie Sweet Sumagaysay kag Richard Jeroui Salvadico, samtang producer naman si Arden Rod Condez.
Suno kay Condez, masami nga nagabisita kanday Sumagaysay kag Salvadico sa komunidad sang malapit na lima ka tuig gani 70% sang ila nga script ang ginbase sa pagpanalawsaw sang nagatiner sila sa komunidad. —via Philstar
