Iloilo province ginpahamtang sa blue alert status tungod sa madasig nga pagsaka sang dengue cases — IPHO
Nag-issue sang blue alert status ang Iloilo Provincial Disaster Risk Reduction and Management Council (PDRRMC) tungod sa madasig nga pagtaas sang kaso sang dengue.
Sa idalom sang blue alert status, pagahimuon sang mga health authorities sa probinsiya ang intensive ang monitoring, warning, bio-surveillance kag kahandaan sa pagresponder kapareho sang pagdihon sang lihok agud matapna ang pagdamo sang kaso.
Ginamanduan man ang mga Municipal Disaster Risk Reduction and Management Office (MDRRMO) mga magsumiter sang report sa PDRRMC.
Base sa latest monitoring sang Provincial Health Office (PHO) may 3,608 na ka mga na-record nga kaso sang dengue sa rehiyon lakip na ang anum ka napatay.
Nagapanguna sa may pinakamadamo nga kaso sang dengue ang Passi City nga may 199 ka mga kaso; nagasunod ang Lambunao nga may 165 cases; Dingle nga may 155 ka mga kaso; Oton nga may 134 cases; kag Badiangan nga may 122.
Sa report ni PHO head Dr. Maria Socorro Quiñon, 36 sa 46 ka mga Local Government Units (LGUs) ang may kaso sang dengue.
Tungod sini, nagadihon na sang report ang PHO nga ipasa sa Department of Health (DOH) agud makadeklarar sang province-wide outbreak.
Sa 31st morbidity week monitoring sang PHO may 190 na ka mga barangays ang may clustering of cases.
Ang clustering of cases amo ang mga barangay nga may yara sang masobra duha ka kaso sang dengue. — via Aksyon Cedrick Anona
