26-anyos nga babaye sa Jaro napatay tungod sa dengue

ILOILO CITY — Nagsaka sa tatlo ang na-record sang City Health Office nga napatay tungod sa dengue subong nga tuig.

Pinakaulihi nga na-record amo ang 26-anyos babaye sa Cuartero, Jaro nga nagpositibo pa gid sa COVID.

Sa report sang CHO, una nakabatyag sang hilanat, pagkadula sang gana magkaon, rashes, kag nagasuka ang pasyente.

Nagpositibo siya sa COVID apat ka adlaw makaligad gin-admit sa ospital.

Sa una nga data sang CHO, 69-anyos nga babaye ang napatay tungod sa dengue sang Hulyo halin sa Tabuc Suba, Jaro kag ang apat ka tuig nga lalaki halin sa South Fundidor, Molo.

Ginapreparar na sang CHO ang hydration units agud i-cater ang mga dengue patients nga wala sang pagkinahanglan i-admit sa ospital. — via Aksyon Justice Savannah Pamplona