2 patay, 1 pilason sang nagbungguanay ang mixer truck kag wing van sa Leganes

ILOILO — Duha ang napatay sa pagbungguanay sang mixer truck kag wing van sa Calaboa, Leganes kahapon sang aga, Setyembre 10.

Ginkumpirmar ni Police Master Sergeant Leo Barnuevo, imbestigador sang Leganes Police Station, nga napatay samtang ginabulong sa ospital ang driver sang mixer truck nga si Fermin Gamarcha sang Dumangas.

Una na ginpabutyag sang police nga dead-on-arrival sa ospital si Niño Miranda sang Badiangan nga pahinante sang wing van.

Sa imbestigasyon sang police, nagasumalangay ang mixer truck kag wing van sang naglupok ang panguna nga tuo nga goma sang wing van. Nadulaan sang kontrol sa manibela ang driver sang wing van nga si Ryan Ramos rason nga naglapaw sa pihak nga lane kag nakabunggo sa sugata nga mixer truck.

Ginalantaw man sang pulis nga posible napiyungan ang driver sang wing van.

Estable na ang kondisyon sang driver sang wing van kag isa ka pahinante nga si Jomar Sonza. Si Sonza ang una gindala sa ospital sang nagtabog sa higad sang dalan. — via Aksyon Paula Elambayo