Iloilo City Rep. Julienne Baronda nagpatimaan sang iya plano sa 2025 midterm elections

ILOILO CITY — Nagpatimaan si Lone District Congresswoman Julienne Baronda nga magpadalagan sa masunod nga tuig nga eleksyon.

Bisan wala direkta ginkumpirmar sang kongresista ang iya plano, ginpabutyag niya nga madamo pa siya sang dapat buhaton kag tapuson sa iya nabilin nga termino

Suno sa iya, indi siya mag-untat sa pagserbisyo sa mga pumuluyo sang siyudad sang Iloilo.

Ginpahayag niya nga indi man pwede matabo nga isahanon lang siya nga mapadalagan sa masunod nga eleksyon.

Madumduman nga halin sang ginkumpirmar ni Mayor Jerry Treñas nga mapadalagan sa pagka-kongresista ang iya bata nga si Raisa Treñas-Chu, nagalikaw si Congresswoman Baronda sa mga pamangkot may kaangtanan sa iya plano sa pulitika.

Ini tungod kadungan sang kumpirmasyon sang alkalde, natabo man ang “political break-up” nila ni Baronda. — via Aksyon Hotline