ILOILO CITY – Bukas si Mr. Jun Capulot kun may grupo nga mag-adoptar sa iya sa 2025 midterm elections.
Ini ang ginpahayag ni Capulot sang gin-anunsyar nga mapadalagan siya sa pagka-konsehal bilang independent candidate sa Iloilo City sa masunod nga eleksyon.
“Bukas man kita kag puwede pa man ma-istoryahan kay man open pa man ang linya naton para sa duha ka grupo. Sa kay Mayor Jerry Treñas, puwede man nila ako ma-adopt, ang kay Congresswoman Jamjam Baronda puwede man, puwede pa man ma-istoryahan ah,” suno kay Capulot.
Kumpleto na ang linyada ni Mayor Treñas para sa eleksyon, samtang si Congresswoman Baronda naman, wala pa makadeklarar sang iya plano para sa 2025 elections.
Si Capulot ang nagbunggo kay Mayor Treñas sang 2022 elections pero napierde siya.
