ILOILO CITY – Wala sang lamod pulitika ang war on drugs sadto sang Duterte administration, suno kay former PNP chief kag subong Senator Ronald “Bato” Dela Rosa.
Ginhimo ni Dela Rosa ang pahayag bilang depensa sa mga testimoniya ni former Iloilo City Mayor Jed Patrick Mabilog sang nagtambong sa hearing sang Quad Committee sang Kamara nga nagsaysay sang iya mga inagyan sang gin-tag nga drug protector ni former President Rodrigo Duterte.
Sa amo nga hearing, ginbuyagyag man ni Mabilog nga kun nag-surrender siya sa PNP sang 2017, piliton siya nga itudlo kanday former Senator kag DILG Secretary Mar Roxas kag former Senator Franklin Drilon nga “drug lords.”
“Wala po kaming panahon para mamulitika o sumali sa pulitika. Sabi nila ‘kasi daw mga kalaban sa pulitika, gusto idiin.’ Ito nga, paano mo idiin si Senator [Franklin] Drilon eh kilalang naman nating matino na tao yan. Paano kaya maniwala ang taong bayan kung lagyan ng ganyang script. Si Mar Roxas bakit mo siya ididiin? Eh natalo na nga siya sa pagka-presidente, natalo na nga siya eh bakit mo pa gagawan ng ganoong istorya, na involve sa druga. Napakalayo naman nung posibilidad na yan,” suno kay Dela Rosa.
Nagpanindugan man si Dela Rosa nga wala sang kahilabtanan ang pulitika sa pag-angut kay former Mayor Jed Patrick Mabilog sa illegal nga druga. Isa si Mabilog sa mga wala nagsuporta kay Duterte sang nagpadalagan nga presidente sang 2016.
