Incumbent mayors sang Alimodian, Maasin, kag Janiuay ginabati-bati nga wala sang kontra sa 2025 local midterm elections

Wala sang ginabati-bati nga makontra sa mga incumbent Mayors sang Alimodian, Janiuay, kag Maasin sa 2025 midterm elections.

Ginkumpirmar ni Alimodian Vice Mayor Geefre “Kalay” Alonsabe nga mapa-reelect si Mayor Kenneth Alfeche kag liwat man siya mapapili sa pagka-bise alkalde.

Mapa-reelect man sa pagka-alkalde sang Maasin si Mayor Francis Amboy, kag sa Janiuay si Mayor Paulino Parian.

Ginpabutyag ni Vice Mayor Alonsabe nga wala sang ginabati-bati sa ila banwa nga makontra kay Mayor Alfeche.  Ini man ang ginpabutyag nanday Janiuay Mayor Parian, kag Maasin Mayor Amboy.

Ang Alimodian, Janiuay, kag Maasin sa madumduman ang nalakip sa mga hot spot areas sang Philippine National Police sang 2022 local midterm elections tungod sa political rivalry. — via Aksyon Marvin Malificiar