[READ] Joint statement sang Team Treñas kag Team Baronda sa 2025 midterm elections

Nadayon ang “political arrangement” nanday Executive Assistant Raisa Treñas-Chu kag Congresswoman Julienne “Jam-jam” Baronda.

Ini makaligad wala sang kandidato sa pagka-kongresista ang kampo nanday Treñas nga Team Uswag kag wala man sang kandidato sa pagka alkalde ang kampo nanday Baronda nga Team Gugma.

Madumduman ginkumpirmar sang magtimbang nga kampo nga may negosasyon nga natabo sa kay House Speaker Martin Romualdez sa diin napresentar nga indi pagpakontrahan ang Congressperson kag Mayor nga posisyon.

Oktubre 3 sang ginkumpirmar ni Mayor Jerry Treñas nga mapaiway kag maretiro na siya sa politika sa baylo nga ang iya bata nga si EA Treñas-Chu ang mapadalagan sa pagka-alkalde. Liwat nga gin-endorso man niya si Congw. Baronda sa pagkakongresista.

Halin sang nagligad, wala sang confirmation ang kampo nanday Congw. Baronda nga nagpasugot sila sa “unity arrangement” magluwas lang sa Oktubre 4 nga confirmation nga may natabo nga negosasyon.

Apang kahapon lang nagpaguwa sang joint statement kanday Congw. Baronda kag EA Treñas-Chu. — via Aksyon Justice Savannah Pamplona