Ika-3 nga suspek sa pagrungkab sa e-tap machine sa City Proper nagsungka sa pulis

ILOILO CITY — Nag-surrender sa Police Station 1 ang isa sa mga suspek sang pagrungkab sa e-tap machine sa City Proper sang Oktubre 9.

Nagsungka las-10 kagab-i si Ariston Solis, 26 anyos sang Sta. Barbara, Iloilo agud klaruhon ang iya pangalan.

Si Solis ang ginatudlo mastermind sa krimen.

Gin-ako ni Solis sa police nga naglab-ut sa P60,000 ang iya partida pero P10,000 na lang iya na-surrender nga cash tungod nabayad niya na sa iya kautangan.

Suno kay Solis, tatlo lang sila ang nagplano sa pagrungkab sa i-tap machine baliskad sa report sang police nga pito sila lakip na ang apat ka John Does.

Magluwas kay Solis, gintudlo niya nga kaupod sa pagplano kanday Jun Alolon kag Jay-R Serapio nga una na nadakpan sang police.