P60,000 nga partida sa masobra P300K nga nakawat sa e-tap machine sa The Atrium mall “napamayad na sang bills, utang” ginatudlo mastermind sa krimen

ILOILO CITY — Ginpamayad na ni Ariston Solis, ginatudlo mastermind sa pagpangawat sa e-Tap machine sa Atrium Mall, ang ginabanta P60,000 nga partida niya halin sa masobra P300,000 nga nakawat sa machine sang Oktubre 9.

Apang na-turn-over ni Solis sa kapulisan ang bilin nga P10,000 sang nag-surrender siya kagab-i.

Suno kay Solis, nadala siya sang stress kag iban pa nga rason tungod sa “tapal, bayad, utang kag guwa-sulod sa ospital” rason nahimo ang krimen.

Dugang pa niya, “ang sala ko lang, daw nag-“handle” lang ko nga akon lang gid kaugalingon. Sala ko lang daw nagpas-an gid ko ka responsibilidad nga puwede ko man lang munuhan mga magurang ko nga amo ni.”

Ginpanginwala man niya nga siya ang mastermind, baliskad sa gintudlo sang iya kaupdanan nga una na nadakpan sang mga pulis nga kanday Jun Alolon kag Jay-R Serapio. — via Aksyon Justice Savvanah Pamplona