Pila ka taxi drivers ginareklamo ang mahina nga kita sang nagsugod operate ang Grab cars sa Iloilo City

Ginareklamo sang pila ka taxi drivers sa siyudad sang Iloilo ang mahina nga kita sa sulod sang pila na ka bulan.

Ginpabutyag sang mga taxi drivers nga sa mga terminals na sila masami naga-parking agud makakuha sang pasahero, pero malaka man tungod kinahanglan pa nga maghulat sa pila.

Ginatudlo sang mga taxi drivers nga rason sang paghina sang ila kita amo ang presensiya sang mga Grab cars.

Sa Grab cars, kinahanglan nga mag-book gamit ang ride-hailing Grab application sa mga mobile phones.

Suno sa ila, sugod sang nag-uso ang Grab cars, indi na makalab-ut sa P500 ang mapauli nila nga kita.

Kalabanan sa mga nagreklamo nga taxi nagapauli lang sang tag-P300 kada adlaw, tuman kanubo kun ikumparar sa kita nila sadtu nga nagalab-ut sa isa ka libo sang wala pa ang Grab cars. — via Aksyon Marvin Malificiar