ILOILO CITY- Dakop sa drug bust operation sang Police Station 10-Station Drug Enforcement Unit ang 45-anyos nga lalaki kag ang Grade 9 nga estudyante sa Zone 3 Brgy. Bakhaw, Mandurriao kahapon, Oktubre 22.
Ginkilala ang mga nadakpan kanday alyas JR nga napreso na sang 2013 tubtob 2019 kag alyas Toto nga estudyante.
Suno kay PLt. Cosmeflor Marco, deputy station commander sang Police Station 10, ginahimo nga runner sa illegal nga transaksyon ang estudyante.
Samtang, ginpahayag sang police nga may tawo nga naga-handle sa duha sa ila illegal nga aktibidad.
Na-recover ang 5grams sang suspected shabu nga nagabalor sang P34,000.
Detained sa police station si alyas JR samtang ginturn-over sa Women and Children’s Protection Desk (WCPD) ang menor-de-edad. — via Aksyon Paula Elambayo
