14-anyos nga dalagita nalumos samtang nagapaligo sa dagat malapit sa RoRo port sa Lapuz

ILOILO CITY — Madasig nga na-rescue ang 14-anyos nga babaye sang nalumos samtang nagapaligo sa dagat sa RoRo Port sa Lapuz mga las-11:40 subong nga aga.

Suno kay Mike, tricycle driver nga nakakita kag nag-report sa Philippine Coast Guard Iloilo Station, nadulaan sang hangin ang babaye tungod may naga-aba sa iya nga upod man nila langoy.

Nakakabit sa lubid kag nakatakas ang naga-aba samtang nabilin sa tubig ang babaye nga nalumos.

Lipong sang nakuha ang babaye sa tubig gani nag-conduct sang CPR kag mouth-to-mouth resuscitation ang personnel sang Philippine Coast Guard kag na-revive ang babaye.

Gindala na sa ospital ang babaye nga taga-Don Esteban, Lapuz.

Masami nga may nagapaligo nga mga bata sa lugar kag makapila ka beses na nga ginasaway sang PCG personnel pero nagabalik gihapon. — via Aksyon Maria Kayla Tingzon