6 ka balay nasunog sa Zone 3 Boulevard, Molo
ILOILP CITY — Anum ka balay ang nasunog sa Zone 3 Boulevard, Molo las-11:20 kagab-i.
Suno kay Ronjel Josal, sa kwarto sang iya bayaw nga si Ruchie Nopueto, sa ika-duha nga panalgan naghalin ang kalayo.
Ginpahayag ni Josal nga nakibot na lang sila tungod madasig nga naglaptan ang kalayo.
Dugang niya, ginbalik pa ni Nopueto ang duha ka tuig niya nga bata nga babaye sa ila kwarto pero nakuha na.
Nakaagum sang paso sa wala nga butkon ang bata samtang paso ang tuo nga butkon kag tiil ni Nopueto.
Gilayon nga gindala ang duha sa ospital agud mabulong.
Ginhingagaw naman nila salbar ang siyam ka mga kabataan.
Ginalantaw ni Josal nga sa wirings ukon appliances sa kwarto ni Nopueto ang ginhalinan sang kalayo.
May lima ka kuwarto ang balay nga yara tanan sa ika-duha nga panalgan.
Natupok ang ika-duha nga panalgan sang balay nga human sa plywood.
Gindeklarar under control ang sunog las-12:31 sang aga. — via Aksyon Maria Kayla Tingzon
