Driver sang tricycle patay sang nakabunggo sa truck sa Pototan

ILOILO- Dead-on-arrival sa ospital ang driver sang tricycle sang nakabunggo sa truck sa Brgy. Cahaguikican, Pototan sang Oktubre 28 sang gab-i.

Suno kay Police Captain Jersey Besas, hepe sang Pototan Municipal Police Station, pakadto sa banwa ang direksyon sang tricycle nga ginamaneho sang 54-anyos nga lalaki antes naaksidente.

Sa imbestigasyon, posible wala natalupangdan sang driver sang tricycle nga may truck sa unahan tungod indi kitaun ang suga kag madulom ang area gani nakabunggo sa truck.

Nagtabog ang driver sang tricycle nga ginhingagaw pa dala sa ospital pero wala natabangan.

Gin-detain ang driver sang truck pero nakaguwa na subong nga adlaw.

Natalana mag-istoryahanay ang pamilya sang napatay kag driver sang truck may kaangtanan sa natabo. — via Aksyon Paula Elambayo