Buho nga nagtuhaw sa una nga haligi sang Ungka Flyover wala sang dapat kabalak-an — DPWH 6
ILOILO CITY — Nagpa-athag si Department of Public Works and Highways (DPWH) 6 Director, Engr. Sanny Boy Oropel nga wala sang dapat kabalak-an mga nagalabay sa ibabaw kag sa kilid sang Ungka flyover tungod sa nagtuhaw nga buho sa kilid sang una nga haligi sang proyekto.
Suno kay Engr. Oropel, wala sang kahilabtanan ang pagkay-o sang flyover sa buho nga nakit-an sang publiko.
Natapos sang contractor ang intense jet grouting sa una nga haligi kag wala sang ano man nga pagluhob ukon pag-usmod nga nakit-an tubtob matapos ang pag-inject sang semento.
Resulta sang pagkutkot sang Metro Pacific Iloilo Water (MPIW) ang buho nga nakit-an sang ginkay-o nila ang nag-leak nga tubo sang na-igo sang kontraktor nga nagakay-o sang Ungka Flyover.
Ginmanduan ni Oropel ang MPIW nga tampukan ang buho sa sulod sang isa ka oras pananglitan indi nila mahimo, ikanselar ni Oropel ang tanan nga excavation permits sang MPIW. — via Aksyon Cedrick Anona
