Mga dalan sa Iloilo City nga may buho, luhob kag pak-ad amat-amat na ginakay-o sang ICDEO
Amat-amat nga ginakay-o sang Iloilo City Engineer’s Office ang mga dalan sa siyudad nga may buho, luhob, kag pak-ad.
Ini makaligad gintalakay sang Aksyon Radyo Iloilo ang issue paagi sa Operation Isip Buho.
Nagsugod ang CEO sa pagkay-o sa De Leon Street, City Proper nga amo ang may pinakamadamo nga pak-ad kag luhob sa dalan.
Sa pagpangusisa sang news team, pulo tubtob kinse ka mga personnel sang CEO ang nagatampok kag nagapang-aspalto sang mga dalan nga may buho, luhob, kag pak-ad.
Nag-conduct sang survey ang nasambit nga opisina para sa kinahanglanon nga road repairs kag isumiter ini sa opisina ni Mayor Jerry Treñas.
Ginmanduan sang alkalde ang CEO nga magsumiter sang comprehensive action plan may kaangtanan sa pagka-ayo sang may luhob ukon buho sa mga dalanon para sa safety sang tanan nga motorista kag commuters.
