100 ka Mayors, high ranking officials sa Asia mabisita sa Iloilo City para sa 44th CityNet ExeCom Meeting
Ginabanta 100 ka mga alkalde kag high ranking officials sa Asia ang magabisita sa siyudad sang Iloilo para sa 44th CityNet executive committee meeting.
Masugod ang ExeCom sa Nobyembre 18 tubtob Nobyembre 20 sa Iloilo Convention Center sa Mandurriao.
Ginpabutyag ni Youngmin Chang, programs director sang CityNet Secretariat, pila sa high ranking officials nga matambong ang halin sa Sri Lanka, Nepal, Fiji, Malaysia, kag Japan.
Uncontested ang imbitasyon ni City Mayor Jerry Treñas sa pag-host sang siyudad para sa ExeCom nga ginhiwat sa South Korea sang nagligad nga tuig.
Nagapati naman si Velma Jane Lao, head sang Local Economic and Investment Promotion Office, nga lima ka benepisyo ang makuha sang Iloilo City sa pag-host sang kahiwatan.
Ini amo ang;
1) pag-showcase sang Iloilo City bilang lider sa urban development;
2) oportunidad nga makakuha sang bag-o nga learning;
3) pagpasangkad sang partnerships sang syudad;
4) maka-boost sang local initiatives; kag
5) maka-promote sang economic growth kag tourism activities.
Ginapaabot sang City Govt nga may pila na ka opisyales nga maabot sugod subong nga adlaw. — via Aksyon Justice Savannah Pamplona
