Iloilo Paddlers ginpangunahan ang cleanup activity sa Iloilo River

ILOILO CITY — Nag-conduct sang cleanup activity ang mga miyembro sang Iloilo Paddlers Club sa Iloilo River nga ila training ground halos kada adlaw.

Suno sa grupo, pamaagi nila agud pasalamatan ang Iloilo River nga daku ang nabulig agud mangin madinalag-on ang pagpasakop nila sa Boracay OARtoberfest International Dragon Boat Race sa Boracay Island kag Changwon International Dragon Boat Festival sa Korea.

Gin-updan sang mga personnel sang City Environment and Natural Resources Office, City General Services Office, City Agriculturist Office, City Sports Development Division, kag CPU-Institute of Packaging Professionals ang nasambit nga cleanup activity.

Padayon naman ang panawagan sang Iloilo City Government sa publiko nga likawan ang paghaboy sang basura sa suba kundi mag-practice sa husto nga pag-dispose sang basura agud indi maghalit sa suba. –with additional information from Iloilo City Gov’t.