5 nadakpan nga nagapa-upas sang damang sa Carles

ILOILO– Lima ka indibidwal ang nadakpan nga nagapa-upas sang damang sa Brgy. Cawayan, Carles sang Nobyembre 25.

Ginkilala ang mga arestado kanday alyas Robin, 34-anyos nga residente sang amo nga lugar; alyas Mike, 27-anyos sang Brgy. Tarong, Carles; alyas Benjo, 49-anyos sang Brgy. Dayhagan, Carles; alyas Melvin sang Brgy. Abong, Carles; kag alyas Mar, 44-anyos sang Brgy. Bancal, Carles.

Suno kay Police Major Sonny Boy Garnace, hepe sang Carles Municipal Police Station, nakabaton sila sang impormasyon nga may mga nagapaupas sang damang sa nasambit nga lugar gani gilayon nila nga ginpadulungan kag nadakpan ang lima.

Na-recover ang 26 ka buhi nga damang kag P590 nga bet money.

Gindala ang mga na-aresto sa Carles Municipal Police Station kag nakapiyansa kaina sang aga rason nga ginpang-release sang kapulisan. — via ARI Trainee reporter Ivan Villa