Gasolinahan gin-hold-up sa San Enrique, Iloilo

ILOILO — Nataban sang duha ka mga hold-upper ang ginabanta P6,000 nga benta sang gasolinahan sa Brgy. Asisig, San Enrique Iloilo las-3:45 kahapon sang hapon, Nobyembre 26.

Suno kay Police Major Rolando Araño, spokesperson sang Iloilo Police Provincial Office, nagpakuno-kuno nga mapa-gas ang duha ka mga suspek nga naga-angkasanay sa motorsiklo.

Una nga nagpanaog ang backrider kag gintayaan sang pusil ang gasoline boy kag nagdiretso sa cashier booth sa diin ginkuha ang benta sang gasolinahan, suno sa police,

Nagpalagyo sa direksyon sang Passi City ang mga suspek sakay sa motorsiklo.

May persons of interest na ang San Enrique police sa pagpang-hold up. — via ARI Correspondent Joel Jocson/ Aksyon Paula Elambayo