Driver sang motorsiklo patay sang nabungguan ang nagatabok nga ido sa Anini-y, Antique

Patay ang driver sang motorsiklo sang nabungguan ang nagatabok nga ido sa Brgy.Salvacion, Anini-y, Antique pasado las-12 sang kaagahon sang Disyembre 2.

Suno kay Police Captain Dee Yap, OIC sang Anini-y Municipal Police Station, halin sa Poblacion kag padulong sa Brgy. San Roque ang direksyon sang mag-asawa, nga ginkilala kanday Rolando, 65-anyos kag Maria, 63-anyos sang Brgy. San Roque, Antique sang nabungguan ang ido nga gulpi lang nagtabok.

Nakaagum sang pilas sa tuo nga butkon kag tiil si Maria samtang nakaagum sang pilas sa ulo si Rolando nga gindala pa sa ospital apang gindeklarar nga dead-on-arrival. — via ARI Trainee reporter Ivan John Villa