Mangunguma patay sang ginlabu sa Lemery
ILOILO — Dead-on-arrival sa ospital ang 52-anyos nga mangunguma sang ginlabu sa Barangay Omio, Lemery.
Suno kay Police Staff Sergeant Randy Magno, imbestigador sang Lemery Police Station, nasapwan na lang nga duguon ang biktima nga si Ney Palma Parcon malapit sa iya balay nga may pilas sang pagkalabu sa nagkalain-lain nga parte sang iya lawas.
Pero antes ang insidente, nabatian sang iya himata ang biktima nga nagasinggit kag nagapangayo sang bulig.
Gina-identify pa sang Lemery police ang suspek kag ang motibo sa krimen.
