2 million nga balor sang suspected shabu na-recover sa mag-abyan sa Mandurriao
ILOILO CITY — Naglab-ut sa P2.4 million nga balor sang suspected shabu ang na-recover sang City Drug Enforcement Unit (CDEU) sa mag-abyan sa drug bust operation sa Brgy. San Rafael, Mandurriao Disyembre 14 sang kaagahon.
Ginkilala ang main subject kay alyas Makmak nga taga-South Fundidor, Molo upod ang iya abyan nga si alyas Kobe.
Suno kay Police Captain Ryan Christ Inot, chief sang CDEU, nagabaligya sang illegal drugs sa sulod sang mga balay ilimnan si Makmak upod ang iya abyan nga si Kobe nga naga-ubra nga bouncer.
Ginpahayag ni Inot nga si Kobe ang nagaduhol sang illegal items sa mga customer nga makadto kag magsulod sa balay ilimnan kun sa diin nahimo ang transaksyon.
Dugang man ni Inot nga nabudlayan sila sa pagdakup kay Makmak tungod may dala nga armas.
Na-recover sa operasyon ang 300 grams sang suspected shabu, 9mm caliber pistol kag 16 ka live ammunition.
Preso sa Molo police station ang duha nga nagapangatubang sang kaso paglapas sa Republic Act 9165 kag illegal possession of firearms. — Aksyon Paula Elambayo
