Billboard sang Team Sulong Gugma sa Diversion Road, Mandurriao ginkakas sang Iloilo City Gov’t

Ginkakas na sang Anti-Squatting and Illegal Structures Unit ang billboard sang Team Sulong Gugma sa Diversion Road, Mandurriao.

Suno kay Office of the Building Official head Engr. Mavi Gustilo, naga-violate ang nasambit nga billboard sa regulation ordinance 2013-330 kag 2018-119 nga amo ang naga-regulate sa pagtakod sang posters, tarpaulin, billboards kag kasubong nga materyales.

Una na ginserbihan sang notice of violation ang building sang Lunes, Disyembre 9, apang nag-ayo ang mga tag-iya sang billboard nga sila lang ang mapakakas dugang pa ni Gustilo tubtob sa Sabado.

Apang naabutan subong nga adlaw nga yara sa gihapon ang billboard rason ginkakas sang ASIS-U.

Gin-athag ni Gustilo nga 16 tanan ka notice of violation ang gindagdag sang OBO sa iban pa nga buildings nga may billboard.

Dugang niya, santu sa National Building Code, dapat may building permit ang wall-mounted kag ground-mounted nga billbaord, certificate to use, kag signed permit nga lunsay ma-process sa ila opisina.

Apang gin-athag sang OBO nga kutob sang billboard nga naga-advertise sang tenant sang commercial buildings kasubong sang mga malls ang may yara permit. — Aksyon Justice Savannah Pamplona